J.K Rowling -「你的選擇」決定你是誰，而不是「你的能力」

英國著名作家羅琳所寫嘅小說《哈利波特》系列係全球最暢銷嘅小說，除咗佢嘅小說吸引，佢嘅名言亦都令人值得思考。

「 It is not our abilities that show what we truely are, it is our choices.」 -J.K Rowling

⭐️童年

羅琳嚟自一個平凡嘅家庭，童年嘅回憶都唔算好快樂，無論係同爸爸嘅關係，定同同學嘅關係都唔好，至於返學時期，羅琳經常被孤立，令到佢對學習同寫作產生興趣，最後佢大學主修嘅科目係法文同古典文學。

⭐️轉捩點

長大後，佢嘅工作同愛情運都好一般，老公性情暴躁，家暴令到佢決定同三個月大嘅女離開老公，隻身嚟到英國，身無分文，一個女人湊住個女，又返唔到工，生活確係艱苦，佢都係靠救濟金，自己一個養大個女，仲不幸患上抑鬱症。但為咗個女，來臨只能夠選擇努力生活，克服抑鬱症。

羅琳曾經覺得自己好似廢物，亦都曾經想自尋短見，但好幸運地，身邊有一個小生命，佢嘅存在令羅琳覺得有仲有希望，令佢有動力繼續生存落去。

一直以來生活艱苦，羅琳喺寫書中搵到佢嘅慰藉，只能夠透過寫作發洩佢嘅所有情緒，亦都係因為咁，《哈利波特》系列小說得以成形。
當然好嘅作品唔一定第一眼就會令人接受，事關《哈利波特》被英國12間出版社拒絕過，而羅琳連續食咗一年嘅閉門羹先有出版社認同。而佢嘅首部作品十分好賣，直到而家，已經賣出超過1憶冊。

羅琳嘅成功其實係基於佢嘅堅持，喺佢人生低谷嘅時候，可以將呢個谷底演變成另一個境界，將自己帶出呢個谷底，見到通往契機嘅道路。當佢將挫敗拋諸腦後之後，佢就擁有巨大嘅潛能，環境令到佢嘅潛能擴大，注意力轉移左嘅時候生活自然冇想像中咁苦。

⭐️限制轉為潛能

其實當羅琳隻身去到英國嘅時候，身無分文，又要適應當地嘅環境，所有嘢都令到佢好迷失，但佢最強嘅寫作能力竟然喺呢個時候擴大幾倍，又或者對於佢嚟講，係嗰一刻佢唯一可以嘅就係寫作。

唔知大家點睇限制一詞，可能有人會覺得好負面，表面來講係一個障礙，但係如果你識得好好咁利用佢，其實係可以激發到你無限嘅潛能，羅琳就係一個好好嘅例子！