Zara起源-初時係賣家居衣服同睡袍

相信對於好多人來講，無論你去到邊一個城市旅行，見到Zara 都一定會入去行吓,以大家嘅衣櫃裏面一定會有一件zara，但你哋又知唔知佢嘅由來呢？

Zara由來

其實Zara喺1975年就出現，當時佢只係買一啲家居嘅衣服同埋睡袍等等，當時有套電影《Zorba the Greek》令Zara創辦人Amancio Ortega Gaona忽發其想，用咗Zorba做店名，而咁啱當時有一間酒吧都係叫Zorba，酒吧老闆唔想喺同一個曾裏面有兩間同名嘅舖頭，Amancio最後唯有用Zara做鋪名！

關於創辦人

Zara係由Amancio Ortega Gaona創辦，佢喺14歲嘅時候已經輟學，喺裁縫身邊做一名學徒，喺20幾歲嘅時候開咗自己嘅第一間製衣廠，佢開鋪嘅第一批浴衣同內衣係同佢已故嘅第一任老婆Rosalia Mera 一齊生產㗎！當時佢哋呢對小夫妻係1975年就開咗第一間門市。

雖然佢快速時裝嘅理念令到佢嘅品牌成績越嚟越好，但佢本身係一個極度低調嘅人，由佢創業開始，媒體嘅訪問一路被拒絕，連公司卡片都唔印，股東甚至乎會誤以為佢只係普通嘅員工，因為公司喺2001年嘅時候上市，佢先發佈左唯一一張個人相，公司咁大，Amancio又極低調，認唔到自己嘅創辦人都唔出奇。不過對比起普通員工Amancio更勤力，因為佢25年嚟從未放過假！

極速生產力

1976年，佢哋就用一部電腦去追蹤銷售情況，靈活嘅系統令到公司可以喺48小時內為舖頭補貨。唔單止咁，佢哋嘅衫係可以喺10日內完成設計。90年代，Zara開展國際市場，由設計、製造到銷售都只係需要兩至三個禮拜，出貨嘅速度縮短咗，對於消費者嚟講呢種新鮮感的確係極之吸引，價錢入屋之餘仲可以季季唔同款，你叫大家點忍手呢！加上Amancio完全捉到消費者嘅心理，因為佢果季嘅衫只會出一季，假設消費者當刻冇買到嗰件衫，可能幾日後你就再冇機會買得返，呢種心態同概念的確令唔少嘅消費者有即刻購入嘅衝動！

小編都係Zara 粉絲，完全捉到小編心態呀！去旅行見到Zara都會忍唔住行入去，見到靚嘅3G佢只會出一季亦都會即時買！Amancio嘅快速時裝理念果然犀利呀！