⚠️女股神殞落⚠️ 印證女人唔應該玩股票?👩🏻‍💼

追星,從前只是一個代表著少女青蔥歲月的其中一個詞語。 可是近...

「Cathie Wood嘅主動管理型開放式指數基金(ARK Innovation ETF)將會喺7月26日正式關閉,唔再接受新指令。」

琴日小叮一起身,攞起部手機,就收到腦細、家母、朋友嘅溫馨提示,大家都不約而同咁提醒我「喂!你平時好撐個個女股神唔掂喇喎!」似乎大家都喺度有意無意咁提醒我,女人就係唔啱炒股票,女股神都唔掂,更何況係我?🥲

【Cathied Wood係邊個?😵‍💫佢有啲咩把炮嘅投資事跡?】

其實向來Cathie Wood同巴菲特嘅投資風格都係南轅北轍嘅,所以相信女股神嘅殞落,對於巴菲特派嘅投資者嚟講,係一件唔意外嘅事!🤭

👨🏼‍💻巴菲特係典型嘅【價值型投資者】

所謂「價值型投資」意思即係會喺成熟優質嘅行業入面,搵一啲【股票買入價格】(Market Price)低過【公司內在價值】(Instrinsic Value)嘅股票嚟入手。
而巴菲特所信奉嘅價值型投資方法,係一種相對安全,但係需要經過長時間去驗證成果嘅方法。

👩🏻‍💻Cathie Wood就屬於【成長型投資者】

佢會比較傾向入手一啲迅速發展緊,但仲未開始有盈利嘅股票(例如:科技股)。

2019年嘅時候,Tesla喺頻臨破產嘅邊緣,而當時作為Elon Musk忠粉嘅Cathie Wood認為Tesla前途無可限量,覺得Tesla代表住具前瞻性嘅科技發展。於是當時Cathie Wood押咗重注落Tesla度。🚘

而最後Cathie Wood果然冇睇錯,Tesla之後唔單止冇破產,仲要股價爆升10倍!而Cathie Wood嘅身價亦因此暴漲!

【女股神都撈唔掂 印證女人真係唔應該玩股票?💰】

本來好多人都會覺得女人天生數理能力比較薄弱,所以唔適合投資。

加上今次女股神殞落,似乎令到更多人認同股票投資由始至終都係男性嘅專屬賺錢工具,女人根本就唔適合勉強沾手。🤯
(其實女人=數學差,係性別定型gender sterotype嘅一種,事實並唔一定係咁。但礙於篇幅限制,我就唔喺度一一辯駁)

就住男性同女性嘅投資能力差別呢個議題,美國嘅金融服務公司富達(Fidelity)喺2011發表咗一份相關嘅研究報告。

富達根據520萬個喺2020年12月至2011年1月有使用佢哋公司服務嘅客戶投資績效分析出,原來【女性平均投資回報率比男性高0.4%】!

Lorna Kapusta(Head of Women & Customer Engagement |Fidelity Investments)指出女性投資回報率比男性高,主因係女性嘅【投資頻率同持續程度較男性理想】。

《Boring Money》指出,投資基金嘅【女性平均持貨期係10.7年】,而【男性平均係8.3年】。
似乎女性比男性更願意部署一啲時長比較耐嘅投資策略。但亦因為女性唔會好似男性咁不停買入賣出,所以女性比較少機會遇上動盪市況,亦會比較少機會因為大市波動蝕大錢,促使到女性可以有更高嘅投資回報率!

【靈魂拷問:87%女性嘅生活 V.S. 13%女性嘅生活】

以上數據同研究紛紛都證實咗,其實女性並唔係唔適合投資!仲要分分鐘女性比男性更適合投資!所以女士們唔好再質疑自己喇!

全球嘅通脹問題嘅嚴峻情況相信唔需要我多講,你地人工嘅升幅追唔追得上通脹相信都唔需要我我幫你分析!

你自己諗下過去半年、一年、年半,物價樓價都升過,你嘅人工有冇加過?我就冇喇!所以唔好再諗住單靠微薄嘅薪金足以支付到龐大嘅生活開支!😮‍💨

87% 30歲以上嘅女性已經養成咗投資嘅習慣喇!如果你係剩低個13%,你係咪確定仲想單靠份微薄嘅薪金,繼續生活落去?你份人工,扣除租金雜費之後,到底係夠你生活定生存?😥

追星,從前只是一個代表著少女青蔥歲月的其中一個詞語。 可是近...