TIFFANY & CO.原本係一間文具店？

Tiffany 呢個品牌相信大家都唔陌生，夢幻嘅顏色有邊個未見過？呢隻咁特別嘅藍，靈感係嚟自知更烏嘅蛋殼，呢類烏生嘅蛋顏色就係Tiffany blue喇！而呢隻色嘅寓意係有情人終成眷屬，所以創辦人就用呢隻色嚟做品牌顏色！最後仲將呢隻色註冊埋商標，所以除咗Tiffany外，其他品牌係唔可以用㗎！

其實喺1837年，Tiffany只係一間位於美國紐約賣文具嘅鋪頭，而鋪名係以創辦人為名，大家係咪以為創辦人係女人呢？錯喇，創辦人Charles Lewis Tiffany係男人嚟㗎！而創辦人嘅生意頭確係出色，當年美國發展蓬勃，美國富豪想證明自己地位，珠寶首飾呢啲一定唔少得，而當年歐洲貴族開始衰落，Tiffany就喺衰落國家買入低價嘅珠寶，經過重新設計，重新鑲嵌賣俾美國富豪，生意做大左，最後仲承包曬所有皇室嘅珠寶！皇室嘅總統都鍾意買Tiffany俾老婆，唔單止珠寶，由於珠寶利潤好高，所以Tiffany就由文具路線轉為賣珠寶首飾。

創辦人Tiffany超越嘅生意頭腦，主意多多，將低價值嘅物件重新包裝，成為獨一無二嘅產品，就好似當時美國要換電纜，Tiffany就買咗條舊電纜，將電纜重新包裝變成精美紀念品，除此之外，1885年美國國徽、美金一蚊紙幣嘅鷹Logo、1967年Superbowl 、1978年NBA總冠軍獎杯等等，都係由Tiffany設計。

喺1886年，Tiffany發明咗鑽石戒指6爪鑲法，呢個設計可以令更多光線進入鑽石，令鑽石更閃，以當年嚟講，絕對係一個極創新又大膽嘅設計，設計延至今時今日，成為求婚戒指嘅標準。

睇完Tiffany品牌故事，創辦人Charles Lewis Tiffany真係好有生意頭腦，最值得學習嘅係佢因應當刻局勢，為自己製造商機，無論個大環境點變，佢都可以扭轉，小編明白今時今日嘅香港地，大家可能會帶點絕望，樓貴物貴咩都貴，唯獨人工無加過，但有冇諗過「另一個」出路？搵錢嘅路係咪只可靠正職呢？