導師：Laurence

聖誕假前夕，內地發布了一張意見稿，稿件內容可見內地方面擬出重手監管網路遊戲。意見稿發布當日同屬遊戲板塊的騰訊和網易股價單日分別下跌了12.4%和24.6%，僅這兩隻股票的損失就令香港股市總市值減少了近5,000億元人民幣。

12月16日，一個震驚中國科技界嘅噩耗傳出！人工智能公司商湯（0020.HK）創始人及執行董事湯曉鷗逝世，終年55歲。據報喺同股不同權嘅制度下，湯教授喺商湯所擁有嘅A類股份比較特別，一股唔止得一票嘅投票權，而係擁有一股等於10票嘅超級投票權！但根據規定，湯教授嘅遺產繼承人，只可以繼承湯教授嘅股份， 但就冇得繼承湯教授嘅超級投票權！

唔少投資者喺撈貨嘅時候，往往只係著重喺股價嘅層面，但係就忽略咗間公司嘅基本面！ 當股價反彈乏力嘅時候，又固執持股！用「好股唔怕坐」嚟逃避現實。 所謂價值投資，並唔單止講緊「低買高賣」，我哋更加要了解清楚公司本身嘅業務同賺錢能力，只有基本面冇問題，公司真係具有賺錢能力，你先可以喺牛市回歸嘅時候獲利！