你，還好嗎?

何時起你秒速間奔波，忙著茫然俯首衝過

無暇在閙市裡停半分鐘聽一闋歌。

香港地，營營役役之中， 大家嘅生活節奏都係快上快落，每日都圍繞住大小不一嘅事，不論係工作、家庭抑或係瑣碎閒事…

而你有冇曾經停低問過自己一句

「我，還好嗎。」

每個人都需要喘息空間
停一停、諗一諗 從來唔係浪費時間嘅行為
真正浪費時間 係心態上嘅盲點

而我哋要認清一點
並唔係所有野都係自身可以掌握 同埋控制

而今日想同大家分享一下早排係TED Talk 聽嘅一個成功法則，顯淺但極易被忽略

【目標導向VS 行為關注】
• 關注可控制部分
• 忽略不可控制的部分

上面兩個重點睇落去好似好容易做到

但係每次我哋都會自動波陷入專注於一個控制唔到嘅因素 — 目標

「訂立目標，向目標前進。」

自細聽屋企人、學校老師講，踏黎入社會聽老闆、上司講，甚或乎出去增值上堂聽人生導師、NLP導師講

大家都清楚【願景】嘅重要性
所以我哋耳濡目染下，慣性會幫自己訂立目標去追求

但無論要實驗咩目標 不論投資、學業、工作上、甚至減肥
都需坦然接受:  結果最終永遠唔受你所控制

以減餐減肥做例子，衡量指標必然係體重，
如果係目標導向嘅角度，當你每日有規律地做訓練、忍口減餐、每日飲好多水，做足所有應該做嘅事，而3日後你上磅，發現體重增加左之後

你嘅心態會唔會崩潰?

我哋可以抱怨減肥嘅過程當中權利被剝奪，點解要咁辛苦節食，又餓又辛苦又冇回報

但同時間你都可以好自豪自己嘅堅持；享受過程，堅信自己持之以恆會帶黎正面嘅結果

後者正正係關注你100%控制權嘅因素 — 心態 & 行為

投資亦如是
記得我上星期講過我初初接觸股票個陣，買完股票之後會自然瘋狂睇個股嘅價格浮動，我正正係將焦點放左係股票價格 (目標) 上，無論我點睇都唔會影響到個目標。而我可以做嘅野係專注同埋完善自己嘅投資策略；

唔再受到某個股或者係少數失利影響心態，咁先係舒服恆久嘅長勝之道

「不單止節奏，急促嘅更係心態。」

而你，今日停低諗咗未?

(順帶一提，學院導師JK爸爸將會係7月份進行健身挑戰，到時會有大家記得留意我哋嘅動態啦!)