日本第一男公關成功秘訣在於極簡主義

「當100個人都認為你做錯了，也許這100個人才是錯的」

呢位係日本嘅第一牛郎-Roland入大學嘅第一日就決定退學，仲喺退學申請書上面寫住：我要成為歌舞伎町第一男公關！

出生於1992年嘅Roland，一把金色嘅頭髮，簡直就好似漫畫裏面嘅男主角咁。點解會稱佢為日本第一牛郎？事關佢曾經一晚嘅營業額就已經高達三千萬日圓，而且佢係賣藝不賣身！

佢踏入大學嘅第一日已經覺得呢個地方根本就唔係屬於佢，於是佢返學嘅第一日就決定退學，仲喺退學申請書上面寫住：我要成為歌舞伎町第一男公關！當老師見到呢個情況，即刻阻止佢，亦都同佢講呢個選擇係睇唔到未來，當然最後Roland並冇聽到老師嘅說話，相信自己，開頭嘅一年佢的確過得好苦，一日淨係食一個麵包呢個情況亦都好常見，但係佢依然冇放棄，誓要成為歌舞伎町第一男公關！

基於佢嘅信念大過一切，佢用盡所有方法去改變自己，就係為咗證明俾個100個人睇，佢哋對自己嘅質疑係錯㗎！自己選擇嘅路絕對可以睇到未來！佢嘅改變慢慢見到成果，業績亦都慢慢上升，半年左右，佢嘅業績已經去到一千萬日圓，最後仲直接買咗呢間男公關店，做埋老闆，當時嘅佢只係得20歲。

極簡主義

一個年輕人搵咁多錢，相信佢嘅衣櫃一定係五光十色，佢屋企嘅裝修一定極度奢華，但其實佢嘅衣櫃只有一套衫，屋企嘅裝修亦都極為簡單，屋企擺放嘅只係「必須存在」嘅傢俬，並冇多餘嘅物件，原來搵錢力驚人嘅佢，佢嘅私下生活竟然有咁大嘅反差。

「擁有太多東西的話，會很累，腦子也會壞掉。 – Roland」

睇到呢度，小編好似明白點解Roland會咁成功，Roland將時間同精力都用喺重要嘅事情上，對於家居設計同衣服配搭，只要舒服啱身，一套就已經夠，人嘅意志力好有限，要用就一定要用喺值得嘅事情上，呢個思維令到佢有更多嘅精力用喺更重要嘅事情上。

每日返工要諗襯咩衫，晏晝要諗食咩好，打開電腦要諗睇咩劇集好，呢個情況相信好多讀者都會遇到，但當小編了解極簡主義嘅思維之後，開始明白大部分成功人士都唔會浪費時間係呢啲瑣碎嘅地方，由始至終佢哋嘅目標只有一個，除咗呢個目標以外嘅嘢一切都從簡，所有嘅集中力都用喺佢哋認為重要嘅事物上！