跟隨巴菲特 超高效時間管理 5/25法則

每個人都明白【時間】從來都係最寶貴無價嘅無形資產，但相信大部份人都被一個【都市病】所困擾——拖延症。所以今日希望透過分享1個簡單嘅策略，大家以後可以將注意力集中係適當嘅地方。

究竟邊D先係我地最需要處理嘅事? 重要 最重要 定必要?

言歸正傳，作為「股神」巴菲特究竟用咩策略去管理自己嘅時間同埋事情呢?原來只需要靠簡單3步曲，注意力集中，優先安排事情嘅先後次序 就可以更有效率咁處理各種事情。大大節省時間同埋更容易去實驗自己嘅目標:

💡第一步:
寫低你認為最重要嘅25個目標

💡第二步:
圈住你最想實現嘅5個目標

💡第三步:
只專注於你最想實現嘅頭5個目標，向其他目標說不

唔好睇小呢3個簡單嘅步驟，以下將與大家敘述呢3部曲嘅精妙之處:

💡「專注性」
點解只需要做頭5個目標？因為日常要做、注意嘅事情數之不盡，分散注意力對我地黎講其實係致命傷。往往我地會希望100%完成所有事，但…其實全部做完嘅機率係微乎其微。

💡「簡單化」
人類設計其實唔太善於複雜的事情，大家諗一諗，如果你計畫去一個地方，一條路係蜿蜒曲折，需要隨時保持注意力，途中不單要注意轉彎嘅速度，仲隨時要等紅綠燈或者避行人。而另一條路就係直接可以去到你目的地嘅高速公路，你會揀邊一條?

💡「優先級」
現今世代事情嘅優先性越顯重要，跟「專注性」唔同嘅地方係，事情嘅優先可以幫你決定完成件事嘅順序，規劃好我地接下來要部署嘅每一步，亦有助更高效地實現目標。

然而5/25法則唔一定侷限於長時間嘅目標規劃，大家都可以縮細範圍，短時間規劃一星期內最想要完成嘅25個短期目標，但重點係一定要有幾個你想要專注嘅目標。

可能會睇緊嘅你/做過嘅你會覺得好似唔太有效，原因可能會出自你未好好思考過你所列出嘅目標，或者係冇揀選到你真正應該要完成嘅事，記住隨便嘅態度亦會吸引隨便嘅效率回報。

一切都關乎事情嘅重要性同先後次序，當你嘗試用對金錢嘅睇法一样去對待時間，你自然就會開始以更高效嘅方式處理你生活中各種事件。