斜槓時代 | 自從 WFH 之後 連八號風球都唔關你事
上一篇講到斜槓族興起，一班年青人都開始想嘗試投身斜槓族，今次小篇叔就講下斜槓族既艱辛。
以前踏出社會工作，每次聽到天文台話打風，都會好興奮，好似黃子華話齋，馬上約身邊好友知己唱 K 打牌。點解咁爽 ? 年假就得個 14 日，而家免費送左日假俾你，點解唔爽。
自從 Work From Home 之後 個世界變哂
所謂「月兒彎彎照九州，有人歡喜有人憂。幾家夫婦同羅帳，幾個飄零在外頭。」，好多人都會以為「在家工作」模式好多好處好舒服，小編叔只能夠說一句：「少年，你太年輕了」
就好像 8號風球，《颱風及暴雨警告下工作守則》雖然制訂不同惡劣天氣下既上下班安排，但注意，講緊既係因為前往工作地點時，可能會出現安全問題，所以建議僱主讓員工留係安全地方。
勞工處從來都無講過停工，即係話，香港從來都無風假 呢回事。既然你 Work From Home 都係安全地方，又有電腦，邊有籍口唔開工。小編叔仲曾經試過被前上司要求係隔離營入面開工，當然小編叔最後收左佢線。
無辦公室 可能連辦公時間都無埋
疫情期間，人人 WFH，好多人都以為你真係拎住部電腦就可以開工，24 小時都可以工作。小編叔剛剛開始做 Slasher 既時候，又真係試過夜晚 9 點 10 點開會，原因唔係因為小編叔做緊外國既 Project，而係因為位 Local 客戶係日頭既時間要照顧家人，夜晚先可以開會。小編叔見到母愛既偉大，同埋荷包既乾涸又點敢拒絕，不過好快就領悟到咁樣落去會有問題。
管理自己 等於管理公司 斜槓族最大的成本是時間
最吸引人成為斜槓族既地方，相信是工作中的自主性，靈活性，但靈活背後隱藏既壞處非常多。
斜槓族要面對最大既挑戰就係時間，與一般打工仔唔同，斜槓族無固定既工作時間同收入，換句話說，即係用時間，自由黎換取收入，你用左一個鐘頭去睇戲，咁就無左一個鐘頭工作既收入機會。聽落去係咪好大壓力，坦白講，剛開始時是的，所以要找工具去管理自己時間，To-Do-List，Calendar 有用，但還是不足夠。
Elon Musk 的時間管理工具 Time Boxing
Time Boxing (時間盒) 將要做既工作，放到一個固定時間，並放您的日程安排中的做法。Elon Musk 貴為 CEO，為避免自己落入時間既圈套，他為每件要做既事設定時長，要花幾多時間處理，一旦到該時間，Elon Musk 就只會專注一件事上面，其他事情就留待其他時間再處理。呢個方法，其實唔止 Elon Musk 用緊，連 Bill Gates 都有呢個習慣，證明佢真係一個成功管理時間，提高效率既好方法。
講到最尾，其實我同朋友都一致認同，無一種工作模式可以百分百滿足，只係能夠做自己想做既野都係開心既，好好分配你既工作時間，好好分配同屋企人相處，其實斜槓族又好，Work From Home 又好，你都會可以有一個你既生活態度。
斜槓族必學投資課程：https://hkiei.com/course-%e6%8a%95%e8%b3%87%e8%aa%b2%e7%a8%8b%e6%8e%a2%e7%b4%a2/
