#投資需健心 踏出你嘅舒適圈

追星,從前只是一個代表著少女青蔥歲月的其中一個詞語。 可是近...

相信大家總有聽過身邊嘅朋友/同事/上司叫你
甚或乎你自己都有同人講過

🧔:但係踏出左舒適圈之後會點?

我諗身邊同你講嗰個都未必有深思過呢個問題

近排見到一個詞叫「圈層突破」, 當中講解突破舒適圈後自然會陷入恐懼圈,而呢種恐懼正正係來自對於未知嘅一種焦慮感。

[恐懼如何降臨?]

事實上,恐懼來源係人嘅本能心理反射,亦係我地嘅祖先得以生存同埋繁衍嘅一種技能。

遠古時期,係人類演化仲係直立行走階段嘅時候,佢地需要靠超高警覺性以及超高適應力去避免例如黑暗、野獸、山洞幽閉等等這些能帶俾人恐懼甚至係致命的事物。

演變至今,雖然我地唔需要再為生存而隨時提高警覺,但係骨子裡對於任何不確定性嘅因素時,依然存在一種無法描述嘅恐懼感。
所以絕大部分人對於掌握之內嘅事就感覺極度良好,而當有突如其來打擊嘅時候就會失晒分寸(呢個都係普通人同成功企業家嘅不同之處,以後會再同大家花篇幅深入探討),因此現今社會嘅人會偏向依賴「模擬機制」,透過預先設想無限可能性去避免任何危險發生……但會無意中跌落以下兩種偏誤:

1. 零風險編誤
正正係對絕對確定性嘅渴求,衍生出對於無法移除掌控外嘅風險時,就會好容易被 零風險謬誤所說服: 不論諗法有幾荒謬(不要問 只要信!)
(我地近年遇過幾次嘅因疫情而搶購囤貨就係絕佳例子)

2. 樂觀編誤
亦係自我欺騙,自我安慰,或係大家熟悉嘅僥倖心理,此為另一個極端,人們相信他們自己不太可能會經歷負面事件,然而不斷說服自己明天會更好
(相信唔少股票投資者都會有呢個心路歷程,特別係股票創新低個陣)

咁了解完恐懼產生原因後,我地可以點樣解決?

我記得我啱啱涉獵股票時,每一次我買完股票之後,就好自然係返工期間瘋狂睇個隻股嘅股價波幅。 升固然開心,跌就全日冇晒精神,換言之我嘅心情係同股價升跌嘅契合度絕對達到100%。 好彩當時未試過一日裡面個股價玩過山車幅升跌,如果唔係我….應該要入醫院。

但宜家望返轉頭,
其實我望住個股價小時圖甚至分鐘圖,除左滿足數字上同視覺上嘅改變之外,我又可以改變到啲咩?(因為我唔係短炒或者諗住當日賣)

講到最尾都係心念決定一切,你駕馭唔到佢,咪會俾佢控制返你轉頭囉。
而控制心態嘅因素方法有好多,單純係投資方面,對自己預測嘅信念同埋紀律係最為重要,如果一早定好框架,SET晒止賺止蝕位,又洗乜再浪費時間係度每日望住堆冇意義嘅資訊呢?

追星,從前只是一個代表著少女青蔥歲月的其中一個詞語。 可是近...